[هيفولا]

الطعمية المحشية وصلت
بسم الله


المقادير
كيلو فول مدشوش
بصلة كبييييييييرة
راس توم
خضرة حوالى حزمة صغيرة
ملعقة كبيرة شمر
الطريقة

اول حاجة طبعا هتقى الفول وتغسليه
وتنضفيه وتبليه لمدة يوم وليلة كاملة
وتغيرة المية كل شوية عشان الريحة
ولو فى الصيف حطيه فى التلاجة احسن





وادى المكونات البسيطة
بصلة كبيرة وراس توم مع شوية خضرة صغيرة
يعنى ممكن حزمة وما تكتريش لانها هتسود منك
واحنا عايزين لونها دهبى




بعد كدة هتصفيه كويس جدا لفترة
لان الخضرة بتطلع مية مع الفرم
وادى صورة للمكونات



هنركب المفرمة اليدوى لالالازم اليدوى
لان اللى بالكهربا مش نافعة خالص
ومتعبة وعشان تقوى عضلاتك كدة



نحط شوية فول مع بصل مع توم وخضرة عشان العجينة تبقى مخلوطة




ونبدا عملية الفرم ونحط المقادير شوية بشوية ويالا العضلات




وادى الفرم من قريب

وكده خلصنا المقدار




هنفرم مرة كمان وتبقى ناعمة شوية

وده الفرق بين الناعم والخشن
لو عايزاها خشنة براحتك ما تفرميهاش تانى

ودى صورة اقرب للعجينة بعد ما خلصنا المقدار كله




ودى صورة اقرب للعجينة الناعمة مفرومة مرتين

كدة عجنتها بايديا عشان المكونات تختلط ببعضها



هتكيسيها فى اكياس التلاجة لحين استخدامها



وتبقى رفيعة يعنى تبططيها
عشان ما تاخدش مكان فى التلاجة وسهلة الفك بعد طلوعها




نبدا بقى فى الطعمية المحشية
والصور معاك ده الكيتشن وفية العجينة





نيجى للتكة المهمة عايزاها زى الجاهزة اللى بتشتريها من برة
عجينة جاهز هتيجى تضربيها فى الكيتشن او مضرب كهربا شوية
لحد ما تبقى زى الكريمة مالهاااااااااااااااااااااااااش حل بجد
ومحدش يقولى ايه الدوخة دى دى طعمية امال اية




دى حشوة عبارة عن فلفل حار شطة جدا مفروم مع توم
وبخزنة لاى حاجة فول او طعمية وطعمه خرااااااااااااااافة
وهتحشى بيها الطعمية على ايدك وصوابعك



وتجيبى بيضة وشوية كزبرة ناشفة نص مطحونة
وملح واشتغلى بالمعلقة



ودى فى الزيت بتتحمر وقلبتها على الوجه التانى



شوفو شكلها دهبى ازاى والطعم خطيييييرة



ودى بقى الاقراص المحشية بالحشوة مرشوشة بالسمسم



هنعمل بقى عين الكتكوت
هتجيبى بيضة مسلوقة نص سليق وهتغلفيها بعجينة الطعمية
وتحمريها فى زيت غزييييييييييييييييييير زى الصورة كده
حتى للاطفال شكلها مغرى
اسيبكم مع الصوروما تنسيش المخللات بقى واللذى منه وعيشى بقى




وده شكله النهائى



يارب تعجبكم
وادعولى
استودعكم الله

هيفولا