[هيفولا]

أول مرة أسوي
سمبوسة بف
و طلعت تجنن

الطريقة بالتفصيل والصور

اليوم جايبة لكم سمبوسة البف


وطلعت تجنن أنا ما قد سويتها قبل كذا لأني كنت مستصعبتها ولكن بعد ماجربتها مافيه أحلى وأسهل وأطعم منها أحلى من سمبوسة الرقاق المهم إليكم الطريقة بالصور

مقادير الحشوة

لحم مفروم..بصلتين كبار مفرومة
..كزبرة وبقدونس مفرومة.
.بهارات مشكله..كمون وفلفل أسود مطحون..رشة ملح
وكوب ماء عشان نطبخ فيه اللحمة المفرومة

طريقة الحشوة

ضعي الماء واللحم على نار هاديه يطبخ لين تنشف الموية
ثم نضع البصل ونحرك وبعدين نضيف البهارات واللحم
ونحرك على نار هادية لين تتشبع اللحمة بنكهة البهارات والبصل
ونطفي النار ونضيف الكزبرة والبقدونس ونحرك
ونخليها على جنب لحد ماتبرد

ونبداء نحشي السمبوسة


أخليكم مع الصور









طريقة العجينة

1كاس دقيق أبيض و1كاس دقيق أسمر نصف فنجان شاي زيت
رشة ملح وماء دافي بدون مقدر لين تتماسك العجينة

الطريقة

أخلطي المقادير مع بعض وأعجنيها بالماء الدافي
لحد ماتتماسك وخليها ترتاح من ساعة إلى ساعة ونصف
عشان تطلع العجينة وقت القلي هشة ومقرمشة
وبعدين إفرديها وإحشيها وإقليها وتمتعي بأطعم سمبوسة بف

أخليكم مع الصور

العجينة تكون كذا



وقت الفرد خليها رقيقة





تكوني مجهزة قطاعة السمبوسة



وبكذا نكون إنتهينا من حشي السمبوسة

تابعوني

في أثناء ماأنتي تحشي السمبوسة تكوني مشغله على الزيت
عشان تنقلي بسرعة وماتشرب زيت كثير





7
7
7
7
7
7
ماشاء الله تبارك الله

وهذا الشكل النهائي






بصراحة الريحة روعة وأطعم أروع

أنصحكم جربوها

يم يم يم إذا جربتوها راح تدمنوها

الوصفة كثير سهلة ولذيذة أنصحكم جربوها

الدقيق المستخدم دقيق فاخر الأبيض ودقيق أسمر
شريته من مطاحن الدقيق أنا ماقدجربت دقيق فاخر الأسمر

وللي سألت إذا ماعندها قطاعه ممكن تسويها على شكل هلال
إيو ينفع إضغطي على أطرفها بالشوكة عشان تتسكر تماما

بالنسبة لفرزنه السمبوسة
أنا أفرزن العجينة وأطلعها قبل بوقت
وأكون مجهزة الحشوة وأحشيها
لكن ماقد حشيتها وفرزنتها واللحم من لحم الذبيحة
قطعته صغار وفرمته بفرامة البصل


الف هنا وعافية

هيفولا