[هيفولا]

تشيز كيك بالزبادي-ع الساخن-

أسهل طريقةتشيز كيك مجربة

المكونات :
- 4 ذبادى
- علبة لبن نيدو بودر
- 1/2 كوب سكر
- 4 بسكويت سادة
- علبة جيلى فراولة



الطريقة :
- أول طبقة فى الصينية بتكون بالبسكويت ,, بنطحن البسكويت بضربه فى الخلاط
بس بصراحة أخد منى وقت كبير وفى الآخر طحنته بالمطحنة



بيكون شكله كده



وبنحط عليه ملعقة زبدة ونخلطها بالبسكويت
لغاية لما يبقى زى رملة البحر المبلولة



وبعدين بنحط الصينية فى الفرن لمدة 5 دقائق
وبيكون شكله كده بعد ما بيخرج



ونبدأ نعمل الطبقة التانية ,, طبقة اللبن والذبادى
- بنضرب الذبادى مع السكر واللبن فى الخلاط
بس أهم حاجة نضربهم كويس جداً



ونصبهم على طبقة البسكويت بعد ما تطلع من الفرن



ونرجع نحطها فى الفرن تانى لمدة 7 دقائق

وفى خلال الفترة دى نكون عملنا آخر طبقة
إللى هيا ,, الجيلى
- بنحضره عادى زى طريقة عمل الجيلى ,
بنحط كيس الجيلى
على 2 كوب ماء وعلى النار لغاية لما يغلى



الطبقة التانية بتكون جمدت فى الفرن وبقت متماسكة





شفتم لما جمدت وقفتها علشان تشوفوها
وبعدين بنصب عليها الجيلى
بس ناخد بالنا من حاجتين :
- أولاً : لازم الجيلى يكون برد شوية
- وثانياً : نصب الجيلى على ملعقة علشان مش يعمل حفرة فى الخليط





بتكون شكل الطبقة التالتة كده



وبنحطها فى الثلاجة تجمد

وبيكون شكلها كده بعد ما تجمد



وده أثناء التقطيع



وده أول طبق

تراااااااااااااااااااااااااااااا




ودى من الجنب









يلا جربوها وبالهنا والشفا

هيفولا