[هيفولا]

تشوكليت كابوتشينو تشيز كيك

من مطبخى وبالصور

تشيز كيك سهل جدا جدا لذيد جدا جدا
انا من عشاق التشيز كيك وبحب اعملها
لو جايلى ضيوف بحس انها بترفع راسى




كلنا متعودين اننا بنعمل اول طبقه فى التشيز كيك بالبسكوت المطحون مع الزبده
بس انا قررت المره دى اعملها بالاسبونش كيك ....
وبصراحه مقولكوش الاسبونج كيك خلتها حاجه تحفه

المقادير للطبقه الاولى
3بيضات
250 جرام دقيق اسبونج جاهز
معلقه صغيره محسن كيك



نضرب كل المكونات مع بعضها ضربا جامد
حوالى 10 دقايق لحد ماتبقى كده



ملحوظه بس الكيك الاسفنجى بيكون قوامه اتقل بكتير من الكيك العادى
وده طبعا بسبب المحسن
بيخليه اشبه بالكريم شانتى

وعلشان كده لازم واحنا بنحطه فى الصنيه نتاكد انه اتسكن كويس جدا
فى كل اجنابها ونساوى الوش من فوق باسباتيولا

انا صبيتها فى الصنيه البايركس الكبيره بعد مابطنتها
ودخلتها الفرن لمدة نص ساعه وطلعت بالشكل ده



هسيبها تبرد واروح احضر طبقة التشيز

ملحوظه مهمه انا مقلبتهاش يابنات لان بعد مابتطلع من التلاجه
بتتقطع بمنتهى السهوله زى ماهنشوف

مقادير طبقة التشيز
حوالى 250 جرام جبنه كريمة
كوب سكر عادى
كوب لبن نيدو باودر
2 زبادى اى نوع
بيضه
كيس كريم شانتى باودر
بشر ليمونه والعصيربتاعها
معلقه كبيره نسكافيه
2 ظرف كابوتشينو بالبندق
رشة ملح بتعمل توازن فى الطعم

دى صوره فيها بعض المقادير مش كلها لان كنت نسيت اصورها
واشتغلت بيها على طول فيها نوع الجبنه اللى استخدمته




تحط كل المكونات دى مع بعض فى الخلاط لمدة عشر دقايق
لحد ماتمتزج كويس ونصبها على الكيك كده



ندخلها فرن هادى لمدة 25 دقيقه انا فرنى هادى جدا ....
تعرفى ازاى انها استوت؟
تحطى صباعك على سطحها من فوق لو لقيتيها جمدت كده زى المهلبيه
يبقى تمام لو لسه دخليها تانى

ملحوظه طبقة التشيز لونها مابيتغيرش خاالص بعد اثناء التسويه
بتفضل لونها زى ماهو اللى بيتغير بس انها بتجمد وتمسك نفسها

صوص الشيكولاته

اربع مربعات تقريبا شيكولاته خام دارك

اربع معالق لبن حليب .......

مكعب زبده
نرفعهم على حمام مائى الشيكولاته الاول
وبعدين اللبن واخر حاجه الزبده



لحد ماتبقى كده



شايفين بتلمع ازاى هنسيبها تهدى شويه
وبعدين نصبها على التشيز كيك



وندخلها التلاجه



هنا بعد ماطلعت بتتقطع بمنتهى السهوله



ده الكابوتشينو اللى استخدمته



نشوف بقا التقديم



وزوووووووووووووووم
شايفين الطبقات













الف هنا وعافية

هيفولا