[هيفولا]

بلح الشام المقرمش

سهل للمبتدئات ♣

سبحان الله و بحمده .. سبحان الله العظيم
بلح الشام فى بنات كتير بتخاف تعمله

مع انه سهل اووووووووى و لذيذ



المقادير
1.5 كوب دقيق
نص كوب ذبده
1 موب مايه
3 بيضات
فانليا
3 بيضات

( اكتر من كدا بيبان الزفاره فيه هو 3 كويس اوووى )


الاول نحط المايه و الذبده تغلى



بعدين انزل بالدقيق و اطفى النار و اقلب بسرعه



بقلبها لحد ما تدفى شويه و تبقا ناعمه ومتنجانسه



نيجى للبيض بنزل بالبيض واحده واحده
يعنى
احط و احده و اقلب لحد ما تختفى انزل بالتانيه
و مننساش الفانليا عشان الزفاره


و بتبقا عجينه رخمه كدا و ملزقه ههههههههههههه
هتبقا كدا نمام اووووى
حطيها ف كيس الحلويات و حطى قمع النجمه متوسط

لاااااازم الزيت يكون بارد خااااااااااالص و العين واطيه اووووووووووووى


( مهمه اووووى يا بنات )



بتاخد حوالى من 12 - 15 دقيقه
و ف الدقيقه الاخيره بعلى النار شويه عشان يقرمش من بره
( الهدف يا بنات من توطيه النار ان الصوابع تفنش و تستوى من جوا


و ف الاخر تبقا تحمر لو عليتى م الاول هتنشف و تحمر من برا

و من جوا هتبقا مكتومه )

♣♣♣ ملحوظه مهمه :


لو عملتى اول طاسه و لسه فى عجين متحطيهاش

و الزيت سخن مطرح القليه الاولى ..

استنى لما الطاسه تبرد و تطفى النار و بعد حوالى 15 دقيقه

ارجعى اعملى باقى العجينه لان ماينفعش يتحط و الزيت سخن )

.. مهمه دى يا بنات
دا لما طلع بعد ما بقا لونه دهبى و جميل





صوره تانيه لشكله قبل ما اسقيه بصو شكله مقرمش ازاى






فيه فتحات عشان مش مكتوم و هش اوووووى

وبعدين سقيته شربات تقيييل

من علامات بلح الشام الناجح انه يكون من بره مقرمش شويه

.. لونه دهبى حلو .. من جوا هش و طرى و مش مكتوم







هيفولا