[هيفولا]

كب كيك بالشوكولاتة

المقادير:-
المقدار ده يعمل صينية مقاس(30سم)أو(36)كب كيك مقاس وسط
أو(20)كب كيك مقاس كبير
الكوب المستخدم كوب القياس
(ممكن استخدام كوب الماء العادي)
الملاعق المستخدم ملاعق القياس
(ممكن استبداله بملعقة الطعام العادية وملعقة الشاي)
1/4 2 كوباية دقيق(كوبان وربع)
1 كوب سكر
1كوب زبادي
2بيض

1معلقة طعام عسل
ربع كوباية ماية
1/2 كوباية شوكولاتة طبخ مقطعة
1/2كوب زبدة = 1/4كوب زيت ذرة
1معلقة طعام بكنج بودر
1/2 معلقة طعام فانيليا سائلة او بودر
1 معلقة صغيرة بيكربونات الصوديوم
1/4 معلقة صغيرة ملح

الطريقة:-
في البداية حنسيح الشوكلاتة على حمام مائي
ونضيف مقدار العسل الابيض

ونقلبهم لحد ما يندمجو كويس ويدونا قوام متناغم

حنخفق السكر والزبدة والزيت كويس جدا لحد ما يبقى القوام كريمي
واللون بقى فاتح نبدأ نضيف بيضة بيضه

بعد كدة حنضيف الزبادي والفانيليا

ونضيف مقدار المية ونخفق بشكل كويس
علشان يندمجو

حنضيف مزيج الشوكولاتة مع العسل للخليط ونخفقهم كويس

حننخل الدقيق مع الباكنج باودر والبيكربونات الصوديوم والملح
ونبدأ نضيفهم على الخليط السابق على شكل دفعات
مع الخفق المستمر حتى يتجانس الخليط

وده شكل الخيط بقى كريمي وجميل جداً الي ما ياخذش بالو من الصورة
يقول انها كريم شانيته. لو تلاحظو اني الخليط لونة بني فاتح جدا جدا
لكن بعد الخبز حيبقى لون الكيك غامق بلون شوكلاتة الحليب

زي ما قلت المقدار ده يديكي صينية مقاس 30سم او 36 كب كيكاية حجم وسط
او 20 حجم كبير . انا عمتلهم كب كيك احسن من التقطيع
وكمان الورق الملون بيدي حضور جميل في القعدة

وزعنا كل خليط الكيك في الصواني

خبز الكب كيك
حتلاقي طريقة الخبز في الرابط ادناه بالتفاصيل المصورة
والدقيقة منعاً للتكرار

وما ننساش اني خليط الكب كيك لازم يكون بارتفاع 3/4الورقة فقط
وال1/4الباقي فاضي نديلي مكان وقت الخبز وعلشان الشكل النهائي
يطلع جميل ومترتب وشيك

هنا لما خبزتهم وطلعو من الفرن
جميل ورائع وما أقولكيش على الهشاشة

شوية صور كدة للكب كيك

بورتورية صور فردية للكب كيك يالله خليهم يدلعو
ماحدش واخد منها حاجة ههههه

بتمنى يكون موضوعي البسيط حاز على إعجابك
وبجد بنصحكم تجربو الطريقة دي علشان بجد رائعة
وبقيت استسهلها في عمل التورت لو كنت مستعجلة
وما عنديش وقت لخفق بياض البيض
والنتيجة من أقولكمش على جمالها .

الف هنا وعافية

هيفولا